ჰოლოკოსტი

2015 წლის 2 ივნისს , შუაფხოს საჯარო სკოლის სამოქალაქო განათლების კლუბში გაიმართა შეხვედრა დისკრიმინაციის  თემაზე. საკითხის საილუსტრაციოდ ჰოლოკოსტი იქნა შერჩეული. მოცემულ საკითხთან დაკავშირებით , VIII კლასის მოსწავლემ ბარბარა ჯაბანიშვილმა წარმოადგინა პრეზენტაცია, რომელიც სამოქალაქო განათლების პედაგოგთან ერთად მოამზადა. პრეზენტაცისა ასახავდა ებრაელთა დევნსა და მასობრივი განადგურების ფაქტებს მეორე მსოფლიო ომის პერიოდის ევროპაში. შეხვედრას მოსწავლეები და პედაგოგები ესწრებოდნენ. დამსწრეებმა იმსჯელეს ჰოლოკოსტის მიზეზების ირგვლიდ და დაგმეს მომხდარი საშინელებანი.

პრეზენტაციის დასრულების შემდეგ, ბავშვებმა და პედაგოგებმა იხილეს ჩარლი ჩაპლინის სახელგანთქმული ფილმი „დიდი დიქტატორი“. ფილმმა დიდი ინეტრესი გამოიწვია. 

ქარტია „ დემოკრატიული მოქალაქეობისათვის განათლებისა და ადამიანის უფლებათა სწავლების შესახებ“.

2015 წლის 11 მაისს . შუაფხოს საჯარო სკოლაში გაიმართა საინფორმაციო შეხვედრა გაიმართა. ღონისძიება ჩაატარა სამოქალაქო განათლების პედაგოგმა დავით ჩივაძემ. განსახილველ თემას წარმოადგენდა ევროპის საბჭოს ქარტია „ დემოკრატიული მოქალაქეობისათვის განათლებისა და ადამიანის უფლებათა სწავლების შესახებ“. შეხვედრის ხელმძღვანელმა ისაუბრა ქარტიის არსზე, მის მნიშვნელობაზე და ქარტიაში გადმოცემული პრინციპების დანერგვის აუცილებლობაზე. ღონისძიების მონაწილეებმა  იხილეს Power Point-ში მომზადებული პრეზენტაცია, რომელიც ასახავდა ევროსაბჭოს ქარტიის შინაარსობრივ მხარეს.

საინფორმაციო შეხვედრას სკოლის პედაგოგები და მოსწავლეები ესწრებოდნენ. პრეზენტაციის დასრულების შემდეგ შეხვედრა დისკუსიაში გადაიზარდა. საუბარი შეეხებოდა ჩვენს რეალობაში არსებულ დისკრიმინაციის ფაქტებს, მათთან ბრძოლის გზებს. დამსწრეებმა აღნიშნეს, რომ ჩვენს გარემომცველს საზოგადოებაში დისკრიმინაციის ფაქტები ხშირია და საზოგადოებას მის დასაძლევად ხანგრძლივი გზა აქვს გასავლელი, ამ პროცესში საგანმანათლებლო დაწესებულებებს ძალიან მნიშვნელოვანი როლი ენიჭებათ, რადგან ძალიან დიდ გავლენას ახდენს პიროვნების ფორმირებაზე. ღონისძიების დასკვნით ეტაპზე მონაწილეებმა იხილეს სახალისო ვიდეოები და წერილობით გამოხატეს თავისი დამოკიდებულებანი შევედრის მიმართ.

ინსცენირებული სასამართლო

2015 წლის 12 მარტს შუაფხოს საჯარო სკოლის სამოქალაქო განათლების კლუბში ინსცენირებული სასამართლო მოეწყო. ღონისძიებაში V-IX კლასის მოსწავლეები მონაწილეობდნენ. სასამართლოს მონაწილეებმა ჩიტი გაასამართლეს, მოთხრობიდან

„ჩიტი და მელა“. მოსამართლის როლი VII კლასის მოსწავლემ  გიორგი ელიზბარაშვილმა შეასრულა, ბრალმდებელი მერვეკლასელი ანა გულბათიშვილი იყო, ჩიტს ბრალი შვილების მიმართ ჩადენილი დანაშაულისათვის წარედგინა J ჩიტის როლი მარიამ ჯაბანიშვილმა შეასრულა.

 ღონისძიება  ემსახურებოდა მოსწავლეებში მსჯელობის უნარის განვითარებას, დებატების კულტურის ჩამოყალიბებას. შერჩეული თემა მარტივი  იყო, მაგრამ საინტერესო და ყველა ასაკობრივი კატეგორიისათვის მისაღები. პროცესი საინტერესო გამოდგა, ბავშვები აქტიურად ჩაერთვნენ მსჯელობის პროცესში, გამოთქვეს საკუთარი მოსაზრებები, ჩამოაყალიბეს პოზიციები.

"არა თამბაქოს!"

2015 წლის თებერვალში  შუაფხოს საჯარო სკოლაში თამბაქოს საწინააღმდეგო აქცია მოეწყო, სახელწოდებით „არა თამბაქოს“. აქციას ორგანიზატორობა გაუწია IX კლასის მოსწავლემ, სამოქალაქო განათლების კლუბის ხელმძღვანელმა  სოფო მიქელაშვილმა. პირველ რიგში მოძიებული იქნა საინფორმაციო მასალა თამბაქოს შესახებ, -საიდან და რა გზებით გავრცელდა ევროპაში , რა მავნე ზეგავლენას ახდენს ადამიანზე. შემდეგ მომზადდა ბუკლეტები, რომლის ერთ მხარეზეც განთავსდა ინფორმაცია, მეორეზე კი სიმბოლური გამოსახულება -„მოწევა კლავს“. 

აქცია 27 თებერვალს განხორციელდა, სკოლის ეზოში. სოფო მიქელაშვილი შეკრებილ მოსწავლეებსა და მასწავლებლებს ესაუბრა თამბაქოს შემადგენლობაზე, მისგან  გამოწვეულ დაავადებებზე, დამოკიდებულების მიზეზებზე და თამბაქოსაგან  თავის დაღწევის აუცილებლობაზე, დაურიგა მათ საინფორმაციო ბუკლეტები. აქცია საინტერესო აღმოჩნდა როგორც ბავშვების , ისე უფროსებისათვის. შეკრებილმა პედაგოგებმა აღნიშნეს, რომ ამ საკითხზე ერთჯერადი აქციით არ უნდა შემოიფარგლონ და მუდმივად არის საჭირო გარკვეული ღონისძიებების გატარება. დასკვნით ეტაპზე, მოსწავლეებმა საინფორმაციო ბუკლეტები გაავრცელეს თემში

ლუკას სახარება

    2014 წლის 28 ნოემბერს სამოქალაქო აზროვნების განვითარების ხელშემწყობ კლუბში  ფილმის ჩვენება და  დისკუსია მოეწყო. მოსწავლეებმა იხილეს გოდერძი ჩოხელის ფილმი „ლუკას სახარება“.  ბავშვები ინტერესით მოეკიდნენ მათი თანატოლის ცხოვრებას , რომელიც რეჟიმის სისასტიკის გამო რთულ მდგომარეობაში აღმოჩნდა.

       დისკუსია შეეხებოდა  საბჭოური რეჟიმის დამოკიდებულებას ადამიანის უფლებებთან და თავისუფლებებთან, საბჭოურ სკოლაში არსებულ ვითარებას, მოსწავლეებმა განიხილეს რა გავლენას ახდენს პიროვნების ჩამოყალიბებაზე მსგავსი დამოკიდებულებანი.  ბავშვებმა აღნიშნეს , რომ ფილმი ძნელად საყურებელია , რაკი მძიმე ემოციებითაა დატვირთული , მაგრამ საინტერესო და  მრავლის მომცემი.

ერთი საინტერესო ტრადიცია

11 დეკემბერს სამოქალაქო აზროვნების განვითარების ხელშემწყობ კლუბში დისკუსია გაიმართა, თემა ტრადიციული წარმოება იყო. სადემონსტრაციოდ ერთი საინტერესო საკითხი ავირჩიეთ, კერძოდ ხალიჩების ქსოვა. თემა შემთხვევით არ ყოფილა შერჩეული, ბოლო ორი თვის მანძილზე შუაფხოს საჯარო სკოლაში მიმდინარეობდა პროექტი „ხელსაქმის სკოლა“, რომლის ფარგლებშიც გაიმათა , როგორც ტრადიციული ხელსაქმის სწავლება, ასევე ჩატარდა კვლევა ,  მომზადდა სხვადასხვა ღონისძიებანი; კლუბის წევრები  თავადაც ამ პროცესის მონაწილენი იყვნენ; ბუნებრივია, საინტერესო იყო მათი დამოკიდებულების გარკვევა.

ხალიჩების წარმოება რთული და შრომატევადი პროცესია.მისი ისტორია ათასწლეულებს ითვლის, თუმცა ისევე, როგორც ათასწლეულების წინ, დღესაც იქსოვება ხელით,პრიმიტიულ დაზგაზე. ძველად , ხალიჩის ქსოვის ცოდნა, ქალის საოჯახო განათლების  ნაწილი იყო აღმოსავლეთ საქართველოს მთიანეთში, თუმცა დღეს ამ ხელობას ცოტა მიმდევარი ჰყავს. მიუხედავად იმისა, რომ ხალიჩები ფაბრიკულად იწარმოება, ხელით ნაქსოვს თავისი

ტექნიკა- ფანტასტიკის საზღვრებში!

თანამედროვე ეპოქაში ტექნიკის განვითარებამ მართლაც არნახულ მასშტაბებს მიაღწია, ძნელია წარმოსადგენია თითოეული ჩვენგანის ცხოვრება მის გარეშე. ეს უკვე აღარ არის ფუფუნება , ეს ცხოვრებისეული აუცილებლობაა. ის რაც წლების წინ

წარმოუდგენლად ეჩვენებოდა ადამიანს, დღეს უკვე რეალობაა, თუმცა ჩვენ იოლად ვეგუებით ყოველგვარ სიახლეს და ახალი, მზარდი მოთხოვნილებები გვიჩნდება. ტექნიკა და ტექნოლოგიური სიახლეები პატარა, საზღვრისპირა სოფელში მცხოვრებ ბავშვებს შორის უფრო ხშირად არის სალაპარაკო თემა , ვიდრე ადგილობრივ ყოფასთან დაკავშირებული საკითხები; კომპიუტერული თამაშები აქაც დიდი პოპულარობით სარგებლობს და ხშირად ბავშვები აქტიურ გართობას კომპიუტერთან ყოფნას ამჯობინებენ.

25 ნოემბერს სამოქალაქო აზროვნების განვითარების ხელშემწყობ კლუბში დისკუსია მოეწყო, თემა სამეცნიერო ტექნიკური პროგრესის დადებითი და უარყოფითი მხარეები

იყო. მოსწავლეებმა თავად განმარტეს სამეცნიერო–ტექნიკური პროგრესის არსი ( მათ შესწავლილი ჰქონდათ შესაბამისი მასალა) და ისაუბრეს იმ საკითხზე, თუ რა ადგილი უჭირავს ტექნიკას მათ ცხოვრებაში.

შემდეგ კლუბის წევრებმა იხილეს PowerPoint-ში მომზადებული პრეზენტაციები, ერთი მათგანი შეეხებოდა მობილურ ტელეფონს,, ხოლო მეორე კი –კომპიუტერულ ტექნოლოგიებს, პრეზენტაციებში მიმოხილული იყო